Taflennu'r Ceidwadwyr

Newydd gweld taflen y Ceidwadwyr ar gyfer rhestr De Cymru gorllewin. Dim gair o Gymraeg. Rwy'n cofio gweld taflen o shir Gar yn etholiad 2005, y sir gyda'r nifer uchaf o siaradwyr Cymraeg yng Nghymru, hollol un iaith saesneg gyda rhif ffon am y sawl roedd eisiau taflen yn iaith y nefoedd.

Y Ceidwadwyr wedi newid - dwi ddim yn credu!! Heblaw am Glyn Davies sy'n trio ei orau, sdim gyda nhw ddim i gynnig o ran dyfodol llewyrchus i Gymru.

Os mae un peth sy'n torri fy nghalon, darllen Maes e yw hynny a gweld nifer o Gymry Cymraeg cenedlaetholgar ifainc yn sirad dros y Ceidwadwyr. Dewch ymlaen bois bach, peidiwch bod mor ffol. Mae'r Ceidwadwyr yn chwarae'r tacteg 'triangulation' - eistedd ar dir traddodiadol y Blaid er mwyn dwyn pleidleisiau.

Fel mae'n nhw'n dweud yn yr Usual Suspects:

"The greatest trick the Devil ever pulled was convincing the world he didn't exist."

Clymblaid Glas-Coch

Yn ystod dadl Dydd Gwyl Dewi ddoe yn y Senedd, naeth Adam Price llwyddo tynnu sylwad allwedol allan o Peter Hain. Dwedodd y Gweinidog ni fydd Llafur dan unrhyw amod yn furfio clymblaid gyda Plaid Cymru.

Felly mewn sefyllfa lle mae llafur yn ennill llai na 24 sedd (mae pobol ei hun yn briffio’r wasg gall pethau hyd yn oed yn waeth na hynny) a Rhyddfrydwyr yn methu sicrhau mwyafrif, fe fydd rhaid i’r Blaid Lafur dod i gytundeb gyda’r Ceidwadwyr.

Y Ceidwadwyr a'r Iaith Gymraeg

Fe wnaeth Owain Clark cyflwyno darn ddiddorol iawn heddiw ar Maniffesto parthed safbwynt y Ceidwadwyr a’r iaith. Mae’r holl ddadl ar yr iaith yn symboleiddio’r ‘newid’ cyfeiriad y mae’r Ceidwadwyr yn ceisio gwerthu i bobol Cymru. Mae ei strategwyr wedi dewis un o’r materion mwyaf effeithiol i geisio cyfathrebu y neges o ‘newid’ i’r etholwyr.

Yn sicr mae’r ffaith bod un o bleidiau Llundain yn fodlon trafod yr iaith mewn ffordd gall, yn hytrach na’r modd y mae’r blaid Lafur yn defnyddio’r iaith fel arf wleidyddol i rannu pobol Cymru yn erbyn ei gilydd, yn rhywbeth i groeso. Wedi dweud hynny, dwi’n credu bod y Ceidwadwyr yn agored i gael ei gyhuddo o ‘spin gwleidyddol’. Y gwir amdani yw, mae ei datganiad polisi ar yr iaith yn amhwys i ddweud y lleiaf. Yn hytrach nag ymgyrchu am Ddeddf Iaith Newydd gyda pwerau dros y sector breifat, yr hyn mae nhw’n gaddo yw adolygiad o'r ddeddf presennol.

Roedd adroddiad Owain Clark yn dangos yn glir bod anghytundeb ymysg grwp y Ceidwadwyr yn y Cynulliad am yr angen am ddeddf Newydd, heb son am barn eu haelodau cyffredin.
Os ydyw’r Ceidwadwyr wir am ail frandio ei hun fel plaid Cymreig mae angen llawer mwy nag addewidion anelwig fel hyn.

Yr Her i'r Pleidiau Prydeinig yng Nghymru

Mae fy ffynhonellau yn dweud i mi y bydd Plaid Cymru yn herio’r pleidiau Prydeinig i ymladd etholiadau’r Cynulliad yn deg trwy herio nhw i atal rhag defnyddio arian o’i pencadlys yn Llundain - i ariannu eu ymgyrchoedd yng Nghymru.

Ers dyfodiad y Cynulliad Cenedlaethol y mae pob un o’r pleidiau Prydeining yng Nghymru wedi ail brandio ei hun fel pleidiau Cymreig. Ond gyda’r trydydd etholiadau’r Cynulliad ar y gorwel, mae’n bur amlwg y bydd Llafur, y Ceidwadwyr a’r Rhyddfrydwyr yn ddibynol ar arian o’i meistri yn Llundain.

Nes bod y pleidiau yma yn llwyddo bodoli fel unedau ariannol ac ymgyrchu annibynol, mae ei honiad ei bod yn bleidiau Cymreig yn hollol chwerthynllyd